Kaszëbsczi Penzjônat Agroturisticzny

Kaszëbsczi penzjônat agroturisticzny leżi malowno ùsadzòny westrzòd lasów, łąków i stôwów na Zemi Zôbòrsczé, chtërné stolëcą są Brusë. Miszczący sã czéle kilometrów òd wsë Lesno, robi piãkną ùbëtną atmòsferã, chtërna rôczi do òdpòczynku swòjim swòjsczim charakterã. Penzjônat je dzélã rolnégò gòspòdarstwa, założonégò na początku XX wieku przez Józefa Frymark. Samò gòspòdarstwò zajimô sã dzysolnia òsoblëwie produkcją mléka, a téż zbòża, bùlew,  rëbów i miodu na włôsny ùżëtk. „Zôbòrsczi“ stoi zarô przë stôwie, przez chtërny przepłiwô rzéka Niechwaszcz. Z jizbów dlô gòscy rozcygô sã widzënk na stôw, na chtërnem wãdkôrze mògą sã wëpróbòwac przë łowieniém rëbów. Procëmległi sztrąd stôwu pòrôstają stôri danë, brzózczi i ólszczi. Nôpisë w penzjônace w jãzëku kaszëbsczém informują, dze je kuchniô abò wichódk. Je tak dlôte, że najim célã je téż zachòwanié mòwë i kulturë kaszëbsczé. Urëchtônô „po pańsku“ kuchniô ze stôréma, òdnowiônéma mebloma i stôrim do dzys ùżiwônym pieckã do pieczeniô chleba, dôwô pòczëcé swòjskòscë i przenószô w dôwné czasë. Jizbë dlô gòscy rôczą słuneczném cepłã, są dobrém môlem relaksu i wëpòczinku.Jizbë sã „pò pańsku“ zastawione stôréma méblama, kòżdô mô jinszi ôrt i farwã. Wszëtczé òne mają téż kapnice z naprëskem. Rôz w rokù, w trzecą sobòtã lëpińca w penzjônace òdbiwô sã „Zôbòrskô rozegracëjô“. Przërôczony bez gòspòdôrzów gòsce służą sã w mileczné atmosferze przë ògniszczu i pòczestunkù, westrzôd spiéwaniô pòspòle piesniów, nié le pò kaszëbskù. A ò północë niebò rozswietliwają rakétniczi. Wiôlgą atrakcëją òstatni rozegracëji bëła wastnô Blanche Krbechek, chtërna òblokłô w kaszëbsczé ruchna przëgriwa na dudach. Wôrtnym bôczënku je téż bùdinuszk wëbudowôny w 1925 r. kùzni, terô téż przërëchtowóné do zamieszkiwaniô. Prosto òd kùzni droga wiedze na wëkòpalëznë, dze mòżna òbôczëc sladë po badérach z Łódczégò Uniwersitetu òdkrëtégo cërpiska kurchanów mającégo dwa tësące lat. Naprocem gbùrstwa, na pòlach w néch czasach bëła òsada. Wkòł Lesna je wiele òdkrëtéch przez archeòlogów sladów lëdzczéch sprzed wieków; nôstarszé òceniwô sã na VII wiek przed Christusã. W samé wsë zachwëcywô turistã drewiany kòscòłk, ùfundowòny przez królowã Mariã Ludwikã w 1650r. Na procemné stronie rzéczi Mlusenë bëł gard z XI-XIIw.,téż w zainteresowaniém archeologów. Wies ta mô téż swoją legendã, chtërna głosy, że pò roku 1546, czéj do Lesna przëwãdrowelë Jezuitowie, przëwiezlë òni ze sobą szczépczi rajsczi jabłónczi. Pòwiôdelë òni, że Lesno tak długò bãdze ceszëc sã wszelejaką bòkadnoscą, pòczi ta jabłónka bãdze kwitła i dôwa brzôd kòżdemu gbùrstwù. Jedna z nôstarszich, stopiãcdzesątlatnô jabłònka rosła do 1998r. przë plebanii òd strònë kòscoła. „Zôborsczi“ buszni sã pòsôdaniém pôrã drzewków té niespòtikòné jabłónczi. I chòc Kaszëbe to nié le blòs Zemió Zôbòrskô i chłoscą jiné môle, wsë i miasta, to ròwnak w penzjònace agroturisticzném „Zôborsczi“ nalézeta wszëtczé zbëtczi, dobré spanie i jedzenié, a i jész co wicy !

Baro rôczimë !

 

Z a b o r s k i Kaszubski Gościniec Agroturystyczny Stanisław Frymark Wybudowanie 9 PL-89-634 Leśno (Gmina Brusy)   Zaborski@web.de www.Zaborski.biz 0048  604718381